தமிழ் கவிதைகள் (Tamil Kavithaigal): 2014

Sunday, 22 June 2014

Tuesday, 17 June 2014

உலகில் எத்தனை மனித உரிமை கூட்டமைப்பு இருந்தும் என்ன பலன்

பாதுகாப்பு தேவை

எனக்கும்

என்னைச் சார்ந்தோருக்கும்,

என் தாய் நாட்டிக்கும்

என் தாய் மொழிக்கும் தான்.

பாதுகாப்பு வேண்டும்.

என்னைப் போன்ற பத்திரிகையாளர்களுக்கும்,

மனித உரிமையாளர்களுக்கும்,

அரசின் கொள்கைகளைச் சான்றிராதோருக்கும்,

சிறு பான்மை இனத்தவர்களுக்கும் தான்.

பாதுகாப்புத் தேடுகிறேன்

என் நாட்டைச் சூரையாடிக் கொன்டிருக்கும்

தலைமையிடம் இருந்தும்,

எங்களால் உயர்த்தப்பட்ட

இரத்தக் காட்டேரிகளிடம் இருந்தும்,

அரசு என்ற பெயரில் கொள்ளையிடும்

குடும்பத்திடம் இருந்தும்

காவல் என்ற போர்வைக்குல் உயிர்களை

சூரையாடும் அதிகாரத்திடமிருந்தும் தான்.

பாதுகாப்பு இல்லை

என் தாய்க்கும் தந்தைக்கும்,

என் உடன்பிறப்புகளுக்கும்,

என் மழலைகளுக்கும்,

என் நாட்டு தேச பக்தர்களுக்கும் தான்.

பாதுகாப்பு உண்டோ

எம் பத்திரிகையாளரின் உயிருக்கு,

எம் போராளிகளின் தேச உண‌ர்விற்கு,

எம் குழந்தைகளின் கற்பிற்கு

எம் மக்களின் பேச்சுரிமைக்கும் தான்.

பாதுகாத்து தாருங்கள்

எம்மைப் பிரிந்த உறவுகளுக்கு,

எம்மிடம் பறித்த சொத்துகளுக்கு.

எம்மிடம் பிடுங்கிய உரிமைகளுக்கு,

எமது தாய் நாட்டுக்கும் தான்

உலகில்

பல மனித உரிமை கூட்டமைப்புகள்

உண்டு. இருந்தும்

எதற்காக இன்னும்

இலங்கையில்

இத்தனை மனித உரிமை அத்துமீறல்கள்?

Monday, 16 June 2014

பழகியதில்லை
பேசியதுமில்லை
படித்திருக்கிறோம்
இருவரும் ஒன்றாக

களவுமில்லை
காதலுமில்லை
பகிர்ந்திருக்கிறோம்
பலவற்றை நன்றாக

அதில்
இருமடங்காகிய
இன்பங்களும் உண்டு
துடைத்தெரியப்பட்ட
துன்பங்களும் உண்டு

விதியென வரும்
காலச் சுழற்சியில்
கலந்துவிடாமல்
கடைசிவரை வருவாயோ
என் அன்பு தோழி !!!

பொய் சொல்லவத்தில்லை
உண்மையை மறைத்திருகிறோம்
இதை விட கொடுமை பாதி உண்மை
பேசியிருக்கிறோம் - கொடுமையில்
கொடுமை பாதி உண்மை
பேசுவதுதான் -இதை எல்லாம்
செய்து விட்டு நல்லவனாக
வேஷம் போடுகிறோம் நடிக்கிறோம் .....!!!

@@@@@@

தப்பு என்று தெரிந்து கொண்டு
தப்பு செய்திருக்கிறோம் -ஆனால்
மற்றவர்கள் செய்யாத தப்பையா
நான் செய்கிறேன் என்று
சமுதாயத்தை அடமானம் வைத்து
தப்பு செய்கிறோம் நல்லவனாக
நன்றாக நடிக்கிறோம் .....!!!

@@@@@@@

திட்ட மிட்டு பிறர் காசை
திருடியது இல்லை ஆனால்
வழியில் கிடந்த பணப்பையை
யாரும் உரிமை கோராதபோது
எம் பணமாக்கி செலவு செய்கிறோம்
மனட்சாட்சிக்கு பதில் சொல்கிறோம்
வழியில் கிடந்த காசு பொது சொத்து
யாரும் பயன்படுத்தலாம் என்று
நமக்கு நாமே நியாயம் சொல்கிறோம் ...
நன்றாக நடிக்கிறோம் .....!!!

@@@@@@

ஊன் உண்ணாதே களவெடுக்காதே
சிறுவயதில் இருந்து கற்றுகொடுக்கும்
பாடம் - ஆனால் மாமிசம் உண்போம்
பசு கன்றின் பாலை களவெடுத்து
குடிப்போம் - கேட்டால் சொல்வோம்
அவையெல்லாம் எமக்காக
படைக்கபட்டவை - எமக்கே உரியவை
என்று வியாக்கியானம் சொல்வோம்
நன்றாக நடிக்கிறோம் .....!!!

@@@@@@

பிறர் மனம் புண் படும் படி
பேசமாட்டோம் -ஆனால்
அவர் இல்லாத தருணத்தில்
பேசாமல் இருக்க மாட்டோம்
தர்மத்தையும் நியாயத்தையும்
பேசுவோம் - கோயிலில் தர்ம
கத்தாவுடம் வீண்சண்டை போடுவோம்
நன்றாக நடிக்கிறோம் .....!!!