அறுசீர் விருத்தம்

தமிழினைத்தான் தலையில் வைத்தாய் 
---தரத்தினைதான் சகத்தில் கேட்டாய் 
அமிழ்ததனைப் போலே பாக்கள் 
---அழகுதமிழ் தன்னில் செய்தாய் 

உடலினிலே தமிழை வைத்தாய் 
---ஊரதற்கு நன்மை செய்தாய் 
விடமதனைப் போக்கிட செய்யும் 
---விடியல்கள் கொண்டும் வந்தாய் 

கொள்ளியில் பொசுக்கும் தீயை 
---கொஞ்சுகின்ற கவியில் வைத்தாய் 
எள்ளியேதான் சிரிக்கும் பொய்யை 
---ஏற்றமுடைய தமிழால் கொய்தாய் 

கோரத்தை உலகில் நீக்க 
---கோலதமிழ் கொண்டே நீயும் 
வீரத்தோடு முழங்கி நின்றாய் 
---வீரனேநீ வாழ்க வாழ்க 

நேருக்கு நேராய் உன்னை 
---நோக்கமுடியா கோழை மக்கள் 
போருக்கே வராமல் நித்தம் 
---போர்வைக்குள் மறைவர் வெட்கி 

வீரமேஉன் அகத்தில் உண்டே 
---வீறுதமிழ் நாவில் உண்டே 
சூரனேஉன் முன்னால் நிற்க 
---பயந்துபோய் தலையைக் குனிவர் 

உந்தன்தந் தையும் தாயும் 
---தந்தாரே உன்போல் முத்தை 
செந்தமிழின் நாட்டிற் கேநீ 
---சிறுமைகள் அழிப்பாய் திண்ணம் 

கூற்றனையும் அழிக்கும் கூற்று 
---ஊற்றென்றே பெருகும் உன்னில் ! 
தூற்றனைதான் கொளுத்திப் நீயும் 
---மாற்றங்கள் செய்ய வாராய் !